तुलसीपुर,४ असोज ।

संविधान दिवसका अवसरमा विभिन्न स्थानमा दिप प्रज्वलन गरिएको छ । यसैक्रममा दंगीशरण गाँउपालीका वडा नम्बर ५ पोटलीमा दिप प्रज्वलन गरिएको छ । वडा नम्बर ५ का वडाध्यक्ष दिपक गौतमको अध्यक्षता तथा प्रदेश सभा सदस्य धमकली चौधरीको प्रमुख आतिथ्यता कार्यक्रम भएको थियो ।

कार्यक्रममा बोल्ने बत्ताहरुले संविधानमा समेटिएका कुरालाई कार्यान्वयनमा ल्याई देशलाई समृद्ध बनाउन सबै जिम्मेवार हुनुपर्नेमा जोड दिएका थिए । दिप प्रज्वलन कार्यक्रमलाई नेकपा जिल्ला कमिटी सचिवालय सदस्य बर्ज चौधरी, नेकपा दंगिशरणकाका अध्यक्ष भरत अधिकारी, युवा क्लव संजालका अध्यक्ष सिएम विश्वकर्मा लगायतले सम्बोधन गरेका थिए ।

वडा सदस्य खिम बहादुर थापाको स्वागत मन्तव्यबाट सुरु भएको कार्यक्रमको सहजिकरण वडा सचिव प्रेम प्रकाश चौधरीले गरेका थिए ।