तुलसीपुर ।
इनारमा डुबेर दाङमा एक बालकको ज्यान गएको छ । जिल्लाको घोराही उपमहानगरपालिका वडा नम्बर ६ भैंसापथ्राका पदम परियारका छोरा ६ बर्षिय प्रज्वल परियारको इनामा डुबेर ज्यान गएको जिल्ला प्रहरी कार्यालय दाङले जनाएको छ ।

उनि छिमेकीको इनारमा खसेका थिए । उद्धार गरि उपचारको लागि घोराही तर्फ लैजाने क्रममा बाटोमै ज्यान गएको जिल्ला प्रहरीले जानकारी दिएको छ । हालसालै खनिएको नयाँ इनारमा सुरक्षाका लागि कुनै वाल नठाएको हुँदा बालक खस्न पुगेको मृतकका आफन्तीले आरोप लगाएका छन् ।