दाङ ।

तुलसीपुरमा एक युवकले ढुंगाले हानेर श्रीमतीको हत्या गरेका छन् । वडा नम्वर ७ गणेशपुरका पदम पोखरेलले गएराती ढुंगाले श्रीमती बिमलाको हत्या गरेका हुन् ।

ढुंगाले लागेर गम्भीर घाइते भएकी बिमलाको उपचारका लागि तुलसीपुर ल्याउँदै गर्दा बाटोमै मृत्यु भएको प्रहरीले जनाएको छ । श्रीमतीको टाउकोमा ढुंगाले हानेर पदम फरार भएका थिए । उनलाई गएराती नै नियन्त्रणमा लिएको इप्रका तुलसीपुरका प्रमुख डीएसपी शिव सिंहले जानकारी दिएका छन् ।