तुलसीपुर ।

कोरोना महामारीको समयमा दैनिक छाक टार्न समस्या भएकाहरुलाई राहत वितरण गर्दै आएको संयुक्त दलित युवा अभियान दाङलाई आर्थिक सहयोग उपलब्ध हुने क्रम जारी छ । यसैक्रममा धार्मिक ब्यक्तित्व माता सुस्मा स्वर्णकार आफ्नो ३८औ जन्मोत्सवको उपलक्ष्यमा आर्थिक सहयोग गर्नु भएको छ ।

बिपन्न समुदायमा परेको समस्या लाई समाधानको लागि अभियानले गरेको कामको प्रशंसा गर्दै अभियान लाई सहयोग गरिएको उहाले बताउनुभयो । स्वर्णकारले अभियानका उप संयोजक तथा आर्थिक विभाग प्रमुख सेर बहादुर परियारलाई ५ हजार ५५ रुपैया हस्तान्तरण गर्नु भएको हो । आफ्नो जन्मदिनमा फजुल खर्च गर्नुभन्दा सामाजिक कार्यमा उक्त खर्च गर्न पाउँदा उहाले खुसी ब्यक्त गर्नु भएको छ ।