तुलसीपुर ।

सल्यानको शारदा नदिको बिचमा फसेका १२ जना मध्ये दुई जनाको उद्धार गरिएको छ भने अन्यको पनि उद्धार गर्ने कार्य भईरहेको प्रहरीले बताएको छ । जिल्लाको शारदा नगरपालिका वडा नम्बर ६ बरला स्थित धान रोपाईमा गएको उनीहरु बाढि आएपछि अलपत्र परेका हुन् । खेतमा धान रोप्नको लागि आज विहान चार हल गोरु र १२ जना मानिस गएकोमा सारदा नदीमा आएको बाढिले गर्दा उनीहरु बिच भागमा फसेको प्रहरीले बताएको छ ।

अलपत्र परेका नागरिकहरुको उद्धारको लागि नेपाली सेना, नेपाल प्रहरी र सशस्त्र प्रहरी खटिएको प्रहरीले बताएको छ । उनीहरुको उद्धारको लागि हेलिकप्टर माग गरिएपनि बर्षातका कारण आउन नसकेको बताईएको छ । शारदा नदिमा पानीको सतह बढ्दै गएकाले उद्धारको लागि प्रयास भैरहेको छ ।