बेलायतमा गएको २४ घन्टायता ४० हजार बढिमा कोरोनाको सङ्क्रमण देखिएको छ । बेलायतमा कोरोना भाइरसका सङ्क्रमितको संख्या ९० लाख ९७ हजार पुगेको छ ।गएको २४ घन्टामा कोरोनाबाट बेलायतमा ४० जनाको मृत्यु भएको छ ।

यो समेतगरी कोरोनाबाट मृत्यु हुनेको संख्या बेलायतमा १ लाख ४० हजार ६७२ पुगेको छ । बेलायतमा पछिल्ला केही हप्तायता कोरोना भाइरसका सङ्क्रमितहरु बढ्दै गएको पाइएको बताइएको छ । पछिल्लो समय बेलायत, चीन सहित अन्य देशहरुमा पनि कोरोना सङ्क्रमित बढेसंगै फेरि कोरोनाको तेस्रो लहर आउन सक्ने भन्दै चिन्ता सुरु भएको छ ।