तुलसीपुर । सल्यानको कालीमाटीबाट तुलसीपुर तर्फ आउँदै गरेको यात्रुबहाक जीप दुर्घटना हुँदा एक जनाको घटनास्थलमै मृत्यु भएको छ । यस्तै दर्जन बढि घाइते भएका छन । मृत्यु हुनेमा सल्यान कालीमाटी गाउँपालिका वडा न. ३ चौरी बल्ले बस्ने ३२ वर्षीय देवबहादुर सुनार रहेको इलाका प्रहरी कार्यालय तुलसीपुरले जनाएको छ ।

सल्यान र दाङको सिमाना नजिक एक्लेवर स्थित भे १ज ५२२ नम्बरको जीप दुर्घटनामा परेको थियो । घाइते १९ जनाको राप्ती प्रादेशीक अस्पताल तुलसीपुरमा उपचार भैरहेको रहेको छ । जीप चालक फरार रहेको प्रहरीले जानकारी दिएको छ । दुर्घटनाको कारण बारे अनुसन्धान भैरहेको छ ।