तुलसिपुर । रोल्पामा आज बिहान जीप दुर्घटनामा परेर मृत्यु हुनेर र घाईते हुनेहरुको सनाखत भएको छ । आज बिहान ११ बजेतिर रोल्पाको माडिगाउँपालिका ६ देखि घर्तिगाउँ जादै गरेको रा १ ज ३८२ नंम्बरको जिप घर्तिगाउँमा दुर्घटना भएको थियो । जिप दुर्घटना हुँदा तीन जनाको घटनास्थलमै मृत्यु भएको र तिन जना घाइते भएको जिल्ला प्रहरी कार्यालय रोल्पाका प्रहरी प्रमुख एवं डिएसपी नरेशराज सुवेदीले जानकारी दिनुभयो ।

दुर्घटनामा परी ज्यान जानेमा माडीगाउँपालिका ६ हाङमाङ बस्ने जिप चालक ५१ बर्षिय रुद्र घर्ति सोहि ठाउँका ५३ बर्षिय टेक बहादुर पुन, र ४७ बर्षिया चौसरा विक रहेको सुवेदीले जानकारी दिनुभयो । यस्तै घाईते हुनेमा सोहि ठाउँका २१ बर्षिया बिना घर्ति, १८ बर्षिया लिला पुन र ६१ बर्षिया सनसरा विक रहेको प्रहरीकार्यालय रोल्पाले जानकारी दिएको छ ।

घाईते तिनै जनाको सुनिलस्मृति अस्पतालमा सामान्य उपचार भईरहेको र थप उपचाको लागि बाहिर पठाउने तयारी भएको प्रहरीले बताएको छ । जिप घर्तिगाउँको भिरबाट करीब तिनसय मिटर तल खसेको छ । घटनाको बारेमा थप अनुसन्धान भईरहेको प्रहरीले बताएको छ ।