तुलसिपुर । प्युठानमा आज बिहान जीप दुर्घटना हुँदा एकजना को मृत्यु भएका छन भने अर्काे एक जना घाईते भएका छन । प्युठानको मल्लरानी गाउँपालिकाको मुनडाँडाबाट बाग्दुला जाँदै गरेको रा १ ज १९९२ नम्बरको जीप मल्लरानी– ३ बुकेनी भीरबाट खसेर दुर्घटना हुँदा सवारी चालक स्थानीय २९ वर्षीय गोरख पुनको घटनास्थलमै मृत्यु भएको जिल्ला प्रहरी कार्यालय प्युठानका प्रहरी निरीक्षक प्रकाश खत्रीले बताउनु भयो ।

त्यस्तै गरी सहकचालक प्युठान नगरपालिका ४ निवासी १६ वर्षीय विवेक नेपाली गम्भीर घाइते भएका छन् । गम्भीर घाइते नेपालीको टाउकोमा चोट लागेको छ । उनलाई उपचारका लागि जिल्ला अस्पताल ल्याइँदै गरिएको प्रहरीले जानकारी दिएको छ । जीपमा चालक र सहचालक मात्र रहेका जनाएको छ । घटनाबारे थप अनुसन्धान भइरहेकोे जिल्ला प्रहरी कार्यालय प्युठानले जनाएको छ ।