तुलसीपुर । पश्चिम दाङको दंगीशरण गाउँपालिकाका प्रमुख प्रशासकिय अधिकृत चन्द्रकान्त पौडेलको सरुवा भएको छ । पौडेलको राजपुर गाउँपालिकामा सरुवा भएको हो । उहाँले करीव ढाई वर्ष गाउँपालिकाको प्रमुख प्रशासकियका रुपमा रहेर सेवा दिनुभएको थियो । यसैविच गाउँपालीकाले विदाई कार्यक्रम सम्पन्न गरेको छ । गाउँपालिकाको सभा हलमा सोमवार एक कार्यक्रमका बिच विदाई कार्यक्रमको आयोजना गरिएको हो ।

त्यस अवसरमा गाउँपालिकाका अध्यक्ष भागिराम चौधरी, उपाध्यक्ष पिमा कुमारी खड्काले फुल माला सहित थारु हस्तकला ढकिया मायाको चिनो प्रदान गर्नुभएको थियो । यस्तै, वडा नम्बर ५ ले पनि मायाको चिनो प्रदान गरेको छ । वडाध्यक्ष दिपक गौतम र सचिव प्रेमप्रकाश चौधरीले संयुक्त रुपमा मायाको चिनो प्रदान गर्नुभएको थियो । त्यसैगरी सम्पुर्ण वडा सचिवहरुको तर्फबाट पनि मायाको चिनो प्रदान गरिएको थियो ।