सप्तरी – सप्तरीमा ट्र्याक्टर दुर्घटना हुँदा एक जनाको ज्यान गएको छ । सात जना घाइते भएका छन् ।

खडक नगरपालिका वडा नम्बर ६ वीरपुरमा स १ त ६२५६ नम्बरको ट्र्याक्टर दुर्घटना हुँदा सिरहाको नरहा गाउँपालिका–३ की काशी देवीको ज्यान गएको जिल्ला प्रहरी कार्यालय सप्तरीका प्रहरी प्रवक्ता माधवप्रसाद काफ्लेले जानकारी दिनुभयो । ट्र्याक्टरले बा ९३ प ३५९ नम्बरको मोटरसाइकललाई पनि ठक्कर दिएको थियो । घाइते सबैको उपचार भइरहेको छ । घटनाको बारेमा थप अनुसन्धान भईरहेको प्रहरीले बताएको छ ।