रूकुम पश्चिम । रूकुम पश्चिममा ट्याक्टर दुर्घटना हुँदा घटनास्थलमै ट्याक्टर चालकको मृत्यु भएको छ। उक्त ट्याक्टरमा सवार उनकी श्रीमती गम्भीर घाइते भएकी छन्। विहीबार राति १ बजे जिल्लाको आठबिसकोट नगरपालिकाको वडा नं ७ औलबाट आठबिसकोटको राडी बजारतर्फ जाँदै गरेको रा १ त ४४१२ नम्बरको खाली ट्याक्टर सडकमा अनियन्त्रीत भएर पल्टीदा दुर्घटना परेको जिल्ला प्रहरी कार्यालय रूकुम पश्चिमका प्रहरी प्रवक्ता प्रहरी निरीक्षक कपिलजंग शाहीले जानकारी दिनु भयो ।

दुर्घटनामा परी मृत्यु हुनेमा आठबिसकोट नगरपालिकाको वडा नं ७ बस्ने चालक २६ वर्षीय करण नेपाली रहेको जिल्ला प्रहरी कार्यालय रूकुम पश्चिम ले जानकारी दीएको छ । दुर्घटनामा परी नेपालीकी श्रीमती २० वर्षीया सपना बि.कं गम्भीर घाइते रहेको प्रहरीले बताएको छ । घाइतेको आठबिसकोट नगर अस्पतालमा उपचार भईरहेको प्रहरीले बताएको छ ।।