दाङ । दाङमा बसको ठक्करबाट एकजना साईकल यात्रुको मृत्यु भएको छ । लमही नगरपालिका–७ बनघुस्री निवासी ५५ वर्षीय रामचरण चौधरीको बजारमा दुध छाडेर फर्किदै गर्दा बसले ठक्कर दिएर मृत्यु भएको प्रहरीले बताएको छ ।

चौधरीलाई वनजङ्गल नजिकै पश्चिमबाट पूर्वतर्फ जाँदै गरेको रा १ ख १७७७ नम्बरको बसले आज बिहान ठक्कर दिएको प्रहरी कार्यालय लमहीले जनाएको छ । घाइते चौधरीलाई लमही अस्पताल पुर्याएलगत्तै चिकित्सकले मृत्यु घोषणा गरेको प्रहरीले जनाएको छ । बस र चालकलाई नियन्त्रणमा लिएर अनुसन्धान भइरहेको प्रहरीले जनाएको छ ।