देउखुरी । देउखुरीमा रहेको रोजि बड्स बाल बाटिका विद्यालयले पदक जित्ने महिला खेलाडीलाई सम्मान गरेको छ । राष्ट्रिय एथलेटिक्स परिवार नेपालले आयोजना गरेको प्रतियोगितामा सहभागिता भएर पदक हासिल गर्न सफल खेलाडीलाई नगद सहित सम्मान गरिएको हो । विद्यालयले एक कार्यक्रमको आयोजना गरि उनीहरुलाई सम्मान गरेको हो ।

राष्ट्रिव्यापि शटपुट थ्रो अन्डर २० तर्फ स्वर्ण पदक प्राप्त कक्षा १२ मा अध्ययनरत विद्यार्थी १८ वर्षीय शुसिला चौधरी र राष्ट्रिव्यापि लङजम्प अन्डर १६ तर्फ रजत पदक हासिल गर्न सफल कक्षा ११ मा अध्ययनरत विद्यार्थी १६ वर्षीय शुसिला चौधरीलाई विद्यालयले नगद सहित प्रशंसापत्रले सम्मान गरेको हो ।

कार्यक्रममा बोल्दै विद्यालयका प्रधानध्यापक राजु यादवले खेलाडीको मनोबल उच्च बनाउन र उनीहरुलाई हौसला प्रदान गर्न सम्मान गरिएको जानकारी दिए । कार्यक्रममा बोल्दै लमही नगरपालिका नगर प्रमुख कुलबहादुर केसीले खेलाडी सम्मान कार्यक्रममा खेलकुद क्षेत्रलाई स्थानीय सरकारले उच्च प्राथमिकता दिएको बताए ।

कार्यक्रममा लमही नगरपालिका वडा नम्बर ५ का वडाध्यक्ष बिमबहादुर केसीले खेलकूदलाई पेशाको रुपमा लिनुपर्ने धारणा राख्नुभयो । विद्यालय व्यवस्थापन समितिका सदस्य सुरेश शाहको स्वागत मन्तब्यबाट सुरु भएको कार्यक्रमको सहजिकरण विद्यालयका शिक्षक पूर्णबहादुर वलीले गर्नुभएको थियो ।

फोटो : पत्रकार शिबु खनालबाट