तुलसीपुर । तुलसीपुरबाट सल्यान कपुरकोट जाँदै गरेको जिपदुर्घटना हुँदा तीन जनाको मृत्यु छ । भने १९ जना घाईते भएको प्रहरीले जानकारी दिएको छ ।दुर्घटनामा परी मृत्यु हुनेमा कपुरकोट ३ बस्ने ४८ बर्षिय प्रेम प्रकास शर्मा, कपुरकोट ४ बस्ने सौनी घर्ति र लालमती खड्का रहेको प्रहरीले जनाएको छ ।

घाईते मध्ये छ जनालाई थप उपचारका लागी नेपालगन्ज रिफर गरिएको छ भने १३ जनाको राप्ती प्रादेशिक अस्पताल तुलसीपुरमा उपचार भईरहेको छ । घाइते हुनेमा सल्यानको कपुरकोट गाउँपालिका ४ धनबाङ बस्ने २२ वर्षीया लक्ष्मी बुढा,सोहि गाउँपालिका ३ बस्ने ४५ देवा चापागाई,२७ वर्षीय भुप बहादुर थापा,२२ धर्म थापा,उहाँको छोरा ५वर्षीया दिपेश थापा,सोहि गाउँपालिका ४ किमिरेचौर बस्ने ३६ वर्षीय डम्बर बहादुर बुढाथोकी,१८ वर्षीया अनिता पुन,सोहि गाउँपालिका १ बस्ने आरति पुन,सोहि गाउँपालिका १९ वर्षीया रमिता बस्नेत लगाएतका रहेका छन् । ईलाका प्रहरी कार्यालय तुलसीपुरका अनुसार तुलसीपुरबाट सल्यानको सिमपानी जादै गरेको रा १ ज ४३८ नम्वरको जिप तुलसीपुर ३ सिरखोला नजिक आज अपरान्ह चार बजे दुर्घटनामा परेको थियो ।