एमालेले मदन भण्डारीको ७१औँ जन्मजयन्ती मनाउदै

 असार १४, २०७९

काठमाडौं । नेकपा एमालेका तत्कालीन महासचिव मदन भण्डारीको ७१औँ जन्मजयन्ती मनाइँदैछ । जन्मजयन्तीका अवसरमा एमाले र उसका विभिन्न भातृ संगठनले कार्यक्रमको आयोजना गरेका छन् । यता नेकपा (एमाले) जिल्ला कमिटी दाङले आज पार्टी कार्यालय भरतपुर दाङमा समाजवादकाे आधार निर्माणमा जनताकाे बहुदलीय जनवादकाे सान्दर्भिकता विषयक अन्तरक्रिया कार्यक्रम गर्दैछ । कार्यक्रममा उपस्थितिकाे लागि अध्यक्ष हुकुम बहादुर बस्नेत र सचिव मनाेहर बुढाथाेकीले सबैमा आग्रह गरेको छ । भण्डारीको जन्म २००९ असार १४ गते ताप्लेजुङको मैवाखोला गाउापालिका–२ ठोट्नेमा भएको थियो।

नेपाली कम्युनिस्ट आन्दोलनको लोकतान्त्रिकरणका लागि भण्डारीले ‘जनताको बहुदलीय जनवाद जबज’ को सिद्धान्त प्रतिपादन गरेका थिए। जबजले शान्तिपूर्ण बहुदलीय प्रतिस्पर्धा र आन्दोलनबाट जनताको क्रान्तिलाई प्राथमिकता दिएको छ।

भण्डारीले २०४८ सालको महाधिवेशनमा पेस गरेको जबजको सिद्धान्तलाई तत्कालीन नेकपा एमालेले आफ्नो पार्टीको सिद्धान्त मार्गचित्रको रुपमा लागू गर्दै आएको थियो।

भण्डारी र एमालेका तत्कालीन संगठन विभाग प्रमुख जीवराज आश्रितको २०५० जेठ ३ गते जीप दुर्घटनामा परी रहस्यमय निधन भएको थियो।

तपाईंको प्रतिक्रिया