जनकपुरधाम । धनुषामा दुई ट्रक एकापसमा ठोक्किँदा तीनजनाको मृत्यु भएको छ । शनिबार बिहान मिथिला नगरपालिका ३ हरिहरपुरमा ट्रक ठोक्किँदा तीनजनाको घटनस्थलमै मृत्यु भएको हो ।

पूर्वबाट पश्चिमतर्फ आउँदै गरेको ना ६ ख ६५७८ नम्बरको ट्रक र विपरित दिशाबाट जाँदै गरेको प्रदेश १– ०१–००१ख ९२९२ नम्बरको ट्रक एकापसमा ठोक्कएर तीनजनाको मृत्यु भएको धनुषाका प्रहरी नायब उपरीक्षक वेदप्रसाद गौतमले जानकारी दिनुभयो ।

उनका अनुसार सुनसरीका २८ वर्षिय चालक सागर चौधरी, सहचालक अर्जुन चौधरी र मोरङका ४४ वर्षिय लोकमान श्रेष्ठको घटनास्थलमै मृत्यु भएको हो ।

सर्लाहीका २० वर्षिय नारायण श्रेष्ठ घाइते हुनुभएको छ । ढल्केवर अस्पतालमा उनको उपचार भइरहेको छ ।