नेपालगन्ज । नेपालगन्जमा ५० ग्राम ब्राउन सुगरसहित एक युवक पक्राउ परेका छन् । भारतको रुपैडीहाबाट नेपालगन्ज आउँदै गरेका दाङ घोराही–११ का २५ वर्षीय सञ्जय नेपालीलाई बाँके प्रहरीले पक्राउ गरेको हो । नेपालीले जुत्तामा लागूऔषध लुकाएर ल्याएको अवस्थामा प्रहरीले शंका लागेर खोजी गर्ने क्रममा बरामद गरी अनुसन्धान सुरु गरेको जिल्ला प्रहरी कार्यालय बाँकेका प्रवक्ता डीएसपी नारायण डाँगीले बताए ।

डीएसपी डाँगीले दिएको जानकारी अनुसार इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगन्जको संयुक्त टोलीले नेपालीलाई सोमबार नियन्त्रणमा लिएको हो ।