तुलसीपुर | तुलसीपुरमा सहोदर दाजु भाइ मृत अवस्थामा फेला परेका छन् । तुलसीपुर उपमहानगरपालिका वडा नं। १६ डोक्रेना घर भइ हाल तुलसीपुर – ६ गाइडहरमा कोठा भाडामा बस्दै आएका ३४ बर्षीय पूर्णबहादुर बस्नेत र उनका भाइ ३० बर्षीय टेकबहादुर बस्नेत सोमबार बेलुकी घर भित्र मृत अवस्थामा फेला परेका हुन ।

मृतक मध्य कान्छा टेकबहादुरकी श्रीमतीले आँफु रुकुम पश्चिमस्थित माइती गएको हुँदा त्यहाँबाट नफर्किदासम्म ढोका नखोल्न आग्रह गरेको हुँदा प्रहरीले बाहिरबाटै सुरक्षा दिएको र मंगलबार मात्रै ढोका खोलिने प्रहरीले जानकारी दिएको छ । प्रारम्भीक अनुसन्धानबाट दाजु भाइले बिसादी सेवन गरि आत्महत्या गरेको आशंका भइ रहेको प्रहरीले बताएको छ ।