सल्यान । सल्यानमा ट्याक्टर दुर्घटना हुँदा चालकको घटनास्थलमै मृत्यु भएको छ। बिहीबार बिहान सल्यान बागचौर नगरपालिका–८ कोटमौलाबाट डाँगीगाउँ जाँदै गरेको रा १ त ३८५७ नम्बरको ट्याक्टर कोटमौलास्थित भित्री सडकखण्डमा दुर्घटना हुँदा चालकको घटनास्थलमै मृत्यु भएको जिल्ला प्रहरी कार्यालय सल्यानले जनाएको छ ।

मृत्यु हुनेमा सल्यान कुमाख गाउँपालिका–६ बडागाउँ निवासी १९ वर्षीय चालक जनक विक रहेका छन् । मल (गोबर) लिएर जाँदै गरेको ट्याक्टर अनियन्त्रित भई पल्टिदा च्यापिएर चालकको घटनास्थलमै मृत्यु भएको प्रहरीले जनाएको छ ।
घटना बारे थप अनुसन्धान भैरहेको प्रहरीले जनाएको छ ।