सल्यान ।  सल्यानमा  करेन्ट लागेर एक वृद्धको मृत्यु भएको छ। जिल्लाको बागचौर नगरपालिका ३ सोतागारका अन्दाजी ७० वर्षीय मोहलाल वलीको मोटरबाट पानी तान्ने क्रममा करेन्ट लागेर मृत्यु भएको हो ।

शुक्रबार साँझ खेतबारीमा सिंचाईका लागि खोलाबाट मोटर लगाई पानी तान्ने क्रममा करेन्ट लागेर मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिए । शव पोष्टमार्टमका लागि सल्यान जिल्ला अस्पतालमा ल्याइएको उनको भनाइ छ ।