तुलसीपुर । दाङको तुलसीपुरमा करेन्ट लागेर एक पुरुषको मृत्यु भएको छ । मृत्यु हुनेमा तुलसीपुर उपमहानगरपालिका–११ प्रिगाउँ निवासी ५० वर्षीय बालाराम वली रहेको इलाका प्रहरी कार्यालय तुलसीपुरले जानकारी दिएको छ ।

प्रहरीका अनुसार खेतमा सिचाइ गर्नका लागि मोटर चलाउने क्रममा तार सर्ट हुदा करेण्ट लागेको थियो । आज दिउँसो सवा १ बजेको समयमा करेन्ट लागेर गम्भीर घाइते भएका वलीको साढे १ बजेको समयमा मृत्यु भएको प्रहरीले जनाएको छ ।