तुलसीपुर । दाङ जिल्ला फोटोग्राफर एशोशियसनको २४औं स्थापना दिवशको अवसरमा तुलसीपुर शाखाले दिप प्रज्वलन गरेको छ ।तुलसीपुरको बिपि चोकमा मँगलवार एक औपचारिक कार्यक्रमका बिच दिप प्रज्वलन कार्यक्रम गरिएको हो । दिप प्रज्वलन कार्यक्रममा बोल्दै प्रमुख अतिथि जिल्ला फोटोग्राफर एशोशियसन उपाध्यक्ष नारायण विकले अहिलेको डिजिटल युगमा सम्पूर्ण व्यवसायीहरुलाई एकरुपता गराउदै अहिलेको व्यवसायी लाई अझ माथी उठाउन थप सीप परिक्षण, क्षमता अभिवृद्धिको आवस्यकता रहेको बताएका थिए ।

देशमै व्यवसायी गर्ने भन्दा बाहीर जानेको ठुलो लहर चलेको बताउदै व्यवसायी प्रोत्साहनको लागि ्नयाँ कार्य योजनाका साथ अघि बढ्नुपर्ने बताएका थिए । दाङ जिल्ला फोटोग्राफर यशोशियसन तुलसीपुर शाखाका अध्यक्ष कृष्ण जिएमको अध्यक्षतमा भएको कार्यक्रममा दाङ जिल्ला फोटोग्राफर यशोशियसनका सदस्य पहल सिंह बुढा मगर , तुलसीपुर शाखाका उपाध्यक्ष मिनराज वली , सचीव ससिराम चौधरी, , कोषाध्यक्ष हरि खड्का लगायतको सहभागी रहेको थियो । कार्यक्रमको सहजीकरण दाङ जिल्ला फोटोग्राफर यशोशियसन दाङका सचिव मिशन सुनारले गरेका थिए ।