तुलसीपुर । तुलसीपुरमा अटो दुर्घटना हुँदा एक बृद्धको मृत्यु भएको छ । मृत्यु हुनेमा दंगीशरण–२ का ८५ वर्षीय जिवराज बस्नेत रहेको ईलाका प्रहरी कार्यालय तुलसीपुरका प्रहरी निरीक्षक प्रकाश थापाले बताए । जसपुरबाट तुलसीपुरतर्फ जादै गरेको रा १ ह ४५१३ नम्बरको अटो तुलसीपुर–१२ टरिगै नजिकै आज बिहान अनियन्त्रित भइ पल्टिदा गम्भीर घाइते भएका बस्नेतको उपचारको क्रममा मृत्यु भएको हो ।

गम्भीर घाइते भएका बस्नेतको राप्ती प्रादेशिक अस्पताल तुलसीपुरमा सामान्य उपचार पछि थप उपचारकालागि नेपालगञ्ज लगिएको अबस्थामा उपचारकै क्रममा मृत्यु भएको प्रहरीले जनाएको छ । अटो चालक दंगीशरण–२ का ४१ वर्षीय गुरु प्रसाद खड्कालाई प्रहरीले नियन्त्रणमा लिएको छ ।