घोराही । दाङमा टिप्परको ठक्करबाट एक जनाको मृत्यु भएको छ भने एक जना घाइते भएको  छन । सोमबार साझको करिब ६:४५ बजे घोराही उपमहानगरपालिका–१० झारबैरा चोकमा रा १ ख १२९१  नम्बरको  टिपरले तुलसिपुर तर्फ गइरहेकाे रा ७ प ७४६  नम्बरको मोटरसाइकललाई ठक्कर दिँदा एक जनाको मृत्यु भएको जिल्ला प्रहरी कार्यालय दाङले जनाएको छ  ।

मृतक हुनेमा तुलसीपुर  १९  निवासी १९ वर्षका सुदिप बुढाथोकी रहेका छन् । ठक्करपछि घाइते भएका उनलाई घोराहीस्थित राप्ती स्वास्थ्‍य विज्ञान प्रतिष्ठानमा उपचारको क्रममा  मृत्यु भएको हो।  मृतक संगै सवार रहेका तुलसीपुर १७ को २२ वर्षका दिपक बस्नेत घाइते भएका छन ।

प्रहरीले ठक्कर दिने सवारी चालक घोराही – १० डोक्रेनाको ४० वर्षीय जित बहादुर चौधरीलाई पक्राउ गरेको छ। घटनाबारे प्रहरीले अनुसन्धान अघि बढाएको छ।