काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टामा नेपालमा कोरोना संक्रमित हुनेको संख्या २६ सय ३८ रहेको जनाएको छ ।
बुधवार नियमित प्रेस ब्रिफिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १३ हजार ९४७ नमूना पीसीआर परीक्षंग गरिएको र तीमध्ये २६ सय ३८ मा कोरोना संक्रमण भएको जनाएका हुन् ।

यससँगै नेपालमा सक्रिय संक्रमितको संख्या ३६ हजार ३६७ पुगेको छ ।
डा. गौतमले पछिल्लो २४ घण्टामा कोरोना संक्रमणमुक्त भएर डिस्चार्ज हुनेको संख्या २१ सय ७४ रहेको बताए ।
नेपालमा हालसम्म कोरोना संक्रमणमुक्त भएर डिस्चार्ज हुनेको संख्या ८० हजार ९५४ रहेको छ ।