लमही ।

दाङ देउखुरीमा ट्रकको ठक्करबाट ज्यान गुमाएका तिनै जनाको शनाखत भएको छ । ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई ठक्कर दिँदा मोटरसाइकलमा सवार तीन जनाको घटनास्थलमै ज्यान गएको थियो । इलाका प्रहरी कार्यालय भालुबाङले दिएको जानकारी अनुसार दुर्घटनामा परी ज्यान गुमाउनेमा राप्ती गाउँपालिका–५ का १६ वर्षीय मनोज गाहा, राप्ती गाउँपालिका–२ का १८ वर्षीय कसम पुन र राप्ती गाउँपालिका–८ पिपरीका १८ वर्षीय दिनेश घर्ती रहेका छन ।

शवलाई लमही अस्पतालमा राखिएको छ । दुर्घटना राप्ती गाउँपालिका वडा नं. ४ मौरीघाटमा गयराती भएको थियो ।