दाङ   । अनेरास्ववियु दाङले जेनजि प्रदर्शनका  क्रममा सार्वजनिक सम्पत्तिमा तोडफोड र अराजकतामूलक गतिविधि गर्न उस्काएको आरोपमा बालेन साह र सुधन गुरुङका बिरुद्ध जिल्ला प्रशासन  कार्यालय दाङमा जाहेरी दिएकाे छ। अनेरास्ववियुको केन्द्रिय कार्यक्रम अन्तरगत जिल्ला अध्यक्ष प्रदिप वस्नेतको नेतृत्वमा जिल्ला प्रशासन कार्यालयमा जाहेरी दर्ता गर्दै आन्दोलनका क्रममा सार्वजनिक सम्पत्तिमा क्षति पु¥याउने र भीडलाई उक्साउने कार्य भएको हुँदा तत्काल कारबाहिको प्रकृया अघि बढाउनका लागि जाहेरी दिएकाे हो ।

जाहेरीमा उक्त कार्यले मुलुकी फौजदारी संहिता २०७४ को दफा २८५ (२) को उपदफा क मा सार्वजनिक सम्पत्तिमा क्षति पु¥याउने, भीड उक्साउने, हिंसात्मक गतिविधि गर्ने र सार्वजनिक शान्ति भङ्ग गर्ने कार्य अपराध मानिने कुरा उल्लेख गर्दै छिटो भन्दा छिटो कारबाहिको दायरामा ल्याउन उल्लेख गरिएको छ ।

टोलीले प्रहरीलाई भिडियो, फोटो र अन्य प्रमाणहरू समेत बुझाएको छ । जाहेरीमा भनिएको छ, “आन्दोलनका नाममा गरिएका यी कार्यहरू कानून र संविधानविपरीत छन्, जसले शासनको मर्यादा भङ्ग गरेको छ। त्यसैले कानुनी कारबाही हुनुपर्छ।”