सल्यान ।
सल्यानमा बाख्रा चलाउन जंगल गएको बेला भिरबाट लडेर एक महिलाको मृत्यु भएको छ । जिल्लाको शारदा नगरपालिका वडा नम्बर ६ कौँचे निवासी ६४ बर्षिय तोली बुढाथोकीको भिरबाट लडेर मृत्यु भएको हो ।

बाख्रा सँगै घाँस बोकेर घर फर्किने बेला बुधबार दिउँसो सवाँ ३ वजे तीर घर नजिकैको भालुखोला भन्ने भिर बाट झण्डै १ सय ५० मिटर तल खसेर उनको घटनास्थलमा नै मृत्यु भएको जिल्ला प्रहरी कार्यालय सल्यानले जनाएको छ । शवको पोष्टमार्टमको लागी जिल्ला अस्पताल सल्यानको पोष्टमार्टम गृहमा राखिएको प्रहरीको भनाई छ ।