तुलसीपुर ।

रोकिराखेको ट्रकमा मोटरसाईकल ठोक्कीदा दाङमा एक युवकको ज्यान गएको छ । ज्यान जानेमा मोटरसकाईकल चालक घोराही ५ बस्ने वर्ष २१ का रबिन डाँगी रहेको लुम्बीनी प्रदेश प्रहरी कार्यालय तुलसीपुरले जनाएको छ । डाँगीको उपचारको लागी राप्ती स्वास्थ्य बिज्ञान प्रतिष्ठान घोराहीमा लैजादै गर्दा बाटोमै ज्यान गएको हो । आज विहान घोराही ७ जबरपुर स्थित भित्री सडक खण्डमा सिमेन्ट लोड गरी रोकीराखेको ना ४ ख ८३३७ नम्बरको ट्रकमा रा ४ प ४९१४ नम्बको मोटरसाईकल पछाडी बाट ठोक्कदा दुर्घटना भएको हो ।

दुर्घटनामा परि मोटरसाईकलको पछाडी सवार सोही ठाउँ बस्ने वर्ष २२ का सिरिन्ज भण्डारी गम्भीर घाईते भएका छन । उनको टाउको,मुख ,दुबै हात र छातीमा चोट लागेको छ । उनलाई थप उपचारको लागी मेडिकल कलेज कोहलपुर रिफर गरिएको प्रहरीले जनाएको छ । प्रहरीले दुबै सवारी साधन र ट्रक चालक लाई नियन्त्रणमा लिएको छ ।