काठमाडौं ।

रुपन्देहीको बुटवलस्थित कोरोना विशेष अस्पतालमा दुई जना कोरोना संक्रमितको मृत्यु भएको छ । मृत्यु हुनेमा प्यूठान जिल्लाको स्वर्गद्वारी–९ का ४३ वर्षीय पुरुष र रुपन्देहीको तिलोत्तमा–१ की ७१ वर्षीया महिला रहेको अस्पतालका प्रवक्ता डाक्टर विष्णु गौतमले जानकारी दिए ।

प्यूठानका पुरुषलाई गत चैत १० गते पीसीआर रिपोर्ट पोजिटिभ आएपछि अस्पतालमा भर्ना गरिएको थियो । उनको आज विहान ५ बजे निधन भएको हो। त्यस्तै चैत २३ गते भर्ना भएकी महिलाको बिहान ७ बजेर २३ मिनेटमा मृत्यु भएको प्रवक्ता गौतमले जानकारी दिए ।

दुवै जनामा निमोनियाको समस्या रहेको गौतमको भनाइ छ ।