काठमाडौं । नेपाल विद्युत् प्राधिकरणले महसुल नतिर्ने उद्योगहरुमा लाइन काट्न थालेको छ । पछिल्लो एक हप्तामा प्राधिकरणले ८३ करोड रुपैयाँबराबर विद्युत मसुल नतिर्ने २ ठूला उद्योगहरुमा लाइन काटेको छ ।

प्राधिकरणले आइतबार रोल्पाको रोल्पा सिमेन्ट उद्योगमा लाइन काटेको थियो । कम्पनीले ८ करोड ४४ लाख रुपैयाँ महसुल नतिरेपछि उद्योगमै लाइन काटिएको प्राधिकरणले जनाएको छ ।

शुक्रबार पनि प्राधिकरणको करिब ७५ करोड महसुल बक्यौता नतिरेपछि सोना सिमेन्टको लाइन काटिएको थियो । लामो समयसम्म बक्यौता भुक्तानमिा चासो नदिएपछि लाइन काटिएको प्राधिकरणे जनाएको छ । सोनाले डेडिकेटेडबापतको ३२ करोड ९४ लाख र पछिको ४१ करोड ६६ लाख बक्यौता तिर्न बाँकी छ ।