तुलसीपुर । धनगढीबाट स्रोत नखुलेको रकमसहित २ जना पक्राउ परेका छन् । सशस्त्र प्रहरीले धनगढी उपमहानगरपालिका वडा नम्बर १ पशुपति टोलबाट १७ लाख ६६ हजार ७ सय ७० भारतीय रुपैयाँसहित सशस्त्र प्रहरीको केन्द्रीय ब्युरो टोलीले दुई जनालाई पक्राउ गरेको हो ।

सशस्त्र प्रहरी बल नम्बर ३४ गण कैलालीका अनुसार शनिबार बिहान साढे ५ बजेको समयमा ब्युरो टोलीले उनीहरूलाई पक्राउ गरेको हो ।

पक्राउ पर्नेमा धनगढी उपमहानगरपालिका १ शान्ति टोलका १७ वर्षका विवेक चन्द र सोही ठाउँका १८ वर्षका सरोज धामी छन् । दुवै जनाबारे थप अनुसन्धान भइरहेको सशस्त्र प्रहरी बल नम्बर ३४ गणका सशस्त्र प्रहरी नायब उपरीक्षक देवराज जोशीले जानकारी दिए ।