तुलसीपुर,१९ असार ।

बर्षायाम सुरु भए सगैं विभिन्न स्थानमा बृक्षारोपन कार्यलाई तिब्रता दिईएको छ । दाङका विभिन्न सामुदायिक बनले विभिन्न प्रजातिको विरुवाहरु रोप्न थालेका छन । यसैक्रममा तुलसीपुर उपमहानगरपालीका वडा नम्बर ११ उरहरीमा रहेको शिवशक्ती सामुदायिक बनले आज बृक्षारोपन गरेको जनाएको छ ।

बन समुहका अध्यक्ष रुपलाल रेग्मीको अध्यक्षता तथा वडा अध्यक्ष चित्रबहादुर ओलिको प्रमुख आतिथ्यमा बृक्षारोपन कार्यको सुरुवात गरिएको थियो । बन समुहले खयर, मसला,पिक लगायतका २ हजार ८ सय बिरुवा रोपिएको बन समुहले जनाएको छ । बन समुहले बृक्षारोपन कार्यक्रममा सहभागिताका लागि सबै उपभोक्तालाई जानकारी गराएको थियो ।

हाम्रो बन राम्रो बन भन्ने मान्यतालाई आत्मसात गर्दै उपभोक्ताहरु बृक्षारोपनमा सहभागि भएका थिए । बन रहे मात्र मानव रहने हुदा बृक्षारोपन सगैं बन संरक्षणमा उपभोक्ता सक्रिय हुनुपर्ने सहभागीको भनाई थियो ।

त्यस अवसरमा सव डिभिजन बन कार्यालय तुलसीपुरका सर्जन ओली, खिम बहादुर केसी ,बन समुहका उपाध्यक्ष जागेश्वर भण्डारी,सचिव गोपाल आचार्य, उपभोत्ता एवं शिक्षक बलदेव आचार्य लगायत ३ सय उपभोक्ताकोे सहभागिता रहेको थियो ।