काठमाडाैँ, २७ साउन ।

नेपालमा पछिल्लो २४ घण्टामा थप ६३८ जनामा कोरोना भाइरसकाे संक्रमण पुष्टि भएको छ । यससँगै नेपालमा कोरोना संक्रमितको कुल संख्या २३ हजार ९ सय ४८ पुगेको छ । स्वास्थ्य तथा जनसंख्या मन्त्रालयको नियमित प्रेस व्रिफ्रिङको क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा १ सय ७१ जना कोरोना संक्रमित डिस्चार्ज भएकाे जानकारी दिए ।

यससँगै हालसम्म डिस्चार्ज हुनेको संख्या १६ हजार ६ सय ६४ पुगेकाे छ । देशभर सक्रिय संक्रमित ७ हजार २ सय १ रहेकाे छ ।