तुलसीपुर,३० साउन ।
दाङको बबई गाउपालिका ६ का २ गाउ शिल गरिएको छ । वडाको टिकुली गैरा र ढुङीवगर गरि दुई गाउँ शिल गरिएको बबई गाउपालिकाका अध्यक्ष भुबनेश्वर पौडेलले जानकारी दिनु भएको छ ।
बबई ६ टिकुली गैराका होम क्वारेनटाईनमा बसेका एक व्यक्तिमा कोरोना पोजेटिभ देखिए संगै दुई गाउ शिल गरेको गाउपालिकाले जनाएको छ ।

साथै गाउपालिकाले कोरोना नियन्त्रणमा सबै नागरिक सचेत भएर शुरक्षित बस्न आग्रह गरेको छ । यसैविच बबई गाँउपालिकामा विहिवार थप २ जनामा कोरोना पोजेटिभ देखिए संगै संक्रमितको संख्या २९ पुगेको छ । बबई ६ र ७ का एक,एक जनामा कोरोना देखिएका बबई गाँउपालिका कोरोना फोकल पर्शन शरदराज गिरीले जानकारी दिएका छन ।

साथै बबईमा स्थानीय स्तरमा गरिएको कोरोना परिक्षण मा ५७ जनाको रिर्पोट नेगेटिभ आएको छ ।