तुलसीपुर,५ असोज ।

तुलसीपुरमा जुवा खेलिरहेको अवस्थामा जुवाडेहरु पक्राउ परेका छन् । तुलसीपुर उपमहानगरपालिका वडा नम्वर ६ महेन्द्र माविको पछाडी चिरोमा जुवा खेलिरहेको अवस्थामा वडा नम्वर १६ वस्ने ३५ वर्षका छविलाल बस्नेत, वडा नम्वर ६ का वर्ष ३० का मधुसुदन रेग्मी सोही ठाउँका वर्ष २९ का भुवन खड्का र वर्ष ५० का देविसिंह महत पक्राउ परेका हुन ।

गोप्य सूचनाका आधारमा इलाका प्रहरी कार्यालय तुलसीपुरका प्रहरी निरिक्षक चक्र डम्बरपालको टोलिले आईतवार दिउँसो २ बजे जुवा खेलिरहेको अवस्थामा नगद २० हजार ५५ सहित पक्राउ गरेको हो । प्रहरीले जुवा भइरहेको ठाउँबाट रातो रंगको १ गड्डी र कालो रंगको २ गड्डी तास समेत फेला पारेको थियो ।