तुलसीपुर ।

नेपालमा थप १३ सय १३ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयको नियमित जानकारी दिने क्रममा प्रवक्ता डाक्टर जागेश्वर गौतमले नयाँ थपिएका कोरोनाका सङ्क्रमित सँगै नेपालमा कोरोना सङ्क्रमितको संख्या ७० हजार ६ सय १४ पुगेको जानकारी दिए ।

यसैगरी शुक्रवार कोरोना मुक्त भएर १४ सय ५५ जना डिस्चार्ज भएका छन् । यो सँगै नेपालमा हालसम्म कोरोना मुक्त हुनेको संख्या ५१ हजार ८ सय ६६ जना पुगेको छ । त्यस्तै नेपालमा थप ६ जनाको कोरोना सङ्क्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा कोरोना सङ्क्रमणबाट मृत्यु हुनेको संख्या ४ सय ५९ पुगेको छ । यसैगरी नेपालमाआइसोलेसनमा रहने कोरोना सङ्क्रमित १८ हजार २ सय ८९ जना छन्भने ६ हजार ४ सय ६४ जना क्वारेन्टाइनमा रहेको प्रवक्ता गौतमले जानकारी दिए ।