दाङ। प्राविधिक शिक्षा तथा व्यावसायिक तालिम परिषद् (CTEVT) अन्तर्गत डिप्लोमा तथा प्रमाणपत्र तहका ट्रान्स्क्रिप्ट तथा अन्य शैक्षिक प्रमाणपत्रहरू अब लुम्बिनी प्रदेश कार्यालय, राप्ती देउखुरी, दाङले समेत वितरण गर्न थालेको छ । यस व्यवस्थासँगै विद्यार्थीहरूले प्रमाणपत्र प्राप्त गर्न काठमाडौं वा अन्य टाढाका कार्यालय धाउनुपर्ने बाध्यताको अन्त्य गरिएको छ। प्रदेश कार्यालयबाट सेवा सुरु भएसँगै विद्यार्थीहरूलाई सहज, छिटो र प्रभावकारी सेवा प्राप्त हुने विश्वास गरिएको प्रदेश कार्यालयका निर्देशक प्रमोद कुमार रेग्मीले बताए ।

प्रदेश कार्यालयबाट पहिलो पटक प्रमाणपत्र प्राप्त गर्ने विद्यार्थी उत्तम बन्जाडे र बिमोचन चौधरी प्रमाण पत्र प्रदान गरिएको छ । प्रदेशस्तरमै सेवा विस्तार भएपछि प्राविधिक शिक्षातर्फ अध्ययनरत विद्यार्थी प्रत्यक्ष रूपमा लाभान्वित हुने अपेक्षा गरिएको छ ।