कोइलाबास ।
दाङमा भरुवा बन्दुक सहित हातहतियार बरामद भएको छ । जिल्ला प्रहरी कार्यालय दाङका प्रहरी निरिक्षक झपिन्द्र परियारको कमाण्ड र सशस्त्र प्रहरी बल नेपाल बोर्डर आउट पोष्ट कोइलाबासका प्रमुख माधव ढुङगेलको कमाण्डमा खटिएको संयुक्त गस्तीले लुकाइछिपाइ राखेको अवैध लोड गरिएको एकनाल भरुवा बन्दुक सहित विभिन्न हात हतियार बरामद गरेको छ ।

गढवा गाउँपालिका वडा नम्बर ८ कोइलाबास स्थित अन्तरखोला जंगलबाट सोमबार विहान छ बजे जिल्ला प्रहरी कार्यालय दाङका प्रहरी निरिक्षक परियारको कमाण्ड र सशस्त्र प्रहरी बल नेपाल बोर्डर आउट पोष्ट कोइलाबासका प्रमुख माधव ढुङगेलको कमाण्डमा खटिएको संयुक्त गस्तीले रोड ब्लक तथा खोजी कार्वाहीमा लोड गरिएको एकनाल भरुवा बन्दुक, छवटा छर्रा ९गोली०, कैचि एक थान, सिंयो एकथान, बारुद दुई डिब्बा, पटकका चार थान र झोला एकथान बरामद गरेको जिल्ला प्रहरी कार्यालय दाङका प्रमुख गणेश चन्दले जानकारी दिनुभयो । उहाँका अनुसार उक्त अवैध हातहतियार बरामल गरि जिल्ला प्रहरी कार्यालय दाङमा लगिएको हो ।