तुलसीपुर ।
नेपालमा थप ९ सय ३६ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा देशभर ९ सय ३६ जनामा कोरोना सङ्क्रमण पुष्टि भएसँगै कुल सङ्क्रमितको संख्या २ लाख ५० हजार एक सय ८० पुगेको छ । यस्तै आज देशभर थप १४ जना कोरोना सङ्क्रमितको मृत्यु भएको छ ।

योसँगै नेपालमा कोरोना सङ्क्रमणका कारण मृत्यु हुनेको संख्या एक हजार ७ सय ३० पुगेको छ । मन्त्रालयको अद्यावधिक विवरण अनुसार पछिल्लो २४ घन्टामा थप एक हजार ९ सय ९६ जना कोरोना सङ्क्रमणमुक्त भएका छन् । योसँगै नेपालमा कोरोना सङ्क्रमणपछि निको हुनेको संख्या २ लाख ३८ हजार ५ सय ६९ पुगेको छ । नेपालमा हाल सक्रिय सङ्क्रमितको संख्या ९ हजार ८ सय ८१ रहेको छ ।