तुलसीपुर ।

तुलसीपुर स्थित नयाँ बसपार्कमा बुधवार विहान सरसफाई गरिएको छ । नेपाल यातायात स्वतन्त्र मजदुर संगठन जिल्ला कमिटिको आयोजनामा बसपार्कमा सरसफाई गरिएको हो । बसपार्कमा जथाभावी फोहोर नफालौ, सरसफाईमा ध्यान दिऔँ भन्ने नाराका साथ संगठनको आयोजना तथा यातायात व्यावसायी, कर्मचारीहरुको सहभागितामा सरसफाई गरिएको हो ।

संगठनका जिल्ला अध्यक्ष केशव बहादुर भण्डारीको अध्यक्षतामा भएको सरसफाई कार्यक्रममा संगठनका केन्द्रिय सदस्य खगेन्द्र वली, लुम्बिनी प्रदेश कमिटिका पुर्व सदस्य अमर बहादुर डाँगी, त्रिशिद्धेश्वरी राप्ती यातायात सेवा प्रालिका प्रशासनिक सचिव प्रकास भट्ट , नेपाल यातायात मजदुर संघका अध्यक्ष सवर्णराज भण्डारी र प्रितम कुमार श्रेष्ठ लगाएतले बोलेका थिए ।

तुलसीपुर उपमहानगरपालिका र तुलसीपुर उद्योग बाणिज्य संघले सन्चालन गरेको सरसफाई अभियानलाई टेवा पुग्ने गरी संगठनले प्रत्येक महिनाको १५ गते सरसफाई अभियान सन्चालन गदै आएको छ । कार्यक्रमको सहजीकरण सचिव यज्ञ बहादुर बुढाथोकीले गरेका थिए । साथै संगठनको आयोजनामा ट्राफिक सचेतना कार्यक्रम पनि गरिएको छ ।

सो अवसरमा ईलाका प्रहरी कार्यालय तुलसीपुरका प्रहरी सहायक निरीक्षक रमेश विसीले महिला हिंसा तथा यौन हिंसा न्युनीकरण र तुलसीपुर ट्राफिक प्रहरी प्रमुख चन्द्र केसीले ट्राफिक नियम बारेमा प्रशिक्षण दिएका थिए ।