तुलसीपुर ।

तुलसीपुर उद्योग बाणिज्य संघको निर्वाचनमा बाम प्यानलका अध्यक्षका उम्मेदवार राम प्रसाद चालिसे ४४ मतले अग्रता लिएका छन । आईतवार विहान ७ बजे सम्म एक हजार चार सय मतगणना हुदा चालिसले ७११ मत प्राप्त गरेका छन् भने उनका प्रतिद्धन्द्धी प्रजातान्त्रीक प्यानलका टेकन प्रसाद बस्नेत हिमालले ६६७ मत प्राप्त गरेका छन् । यस्तैगरी उद्योग उपाध्यक्ष तर्फ यज्ञ बहादुर केसीले ६११ मत लिएका छन् भने ललितजंग शाहले ७३० मत प्राप्त गरेका छन् ।

निर्वाचन समितिका अनुसार बाणिज्य उपाध्यक्षमा मिनराज भण्डारीले ८३१ र गोकर्ण गिरी ५०४ , खुल्ला उपाध्यक्षमा रुप बहादुर खत्रीले ७३१ र तुलसीराम न्यौपानेले ५८१ मत प्राप्त गरेका छन् । संघको नयाँ नेतृत्वका लागी शनिवार भएको मतदान भएको थियो । जसमा एक हजार छ सय ५९ जनाले मतदान गरेका थिए । मतदान शनिवार अवेर सकिएको हो भने गएराती देखी सुरु गरिएको मतगणना जारी छ ।