अर्थ मन्त्रालयले सरकारी निकायको इन्धन खर्च २० प्रतिशत घटाउने निर्णय गरेको छ । २० प्रतिशत इन्धन खर्च कटौती गर्न मन्त्रिपरिषद्बाट प्रस्ताव पारित गरिएको हो । अर्थ मन्त्रालय स्रोतका अनुसार अहिले राज्य कोषबाट इन्धन सुविधा लिइरहेका पदाधिकारीको सुविधा २० प्रतिशत कटौती गरिएको हो ।

अर्थमन्त्री जनार्दन शर्माले सोमवार मन्त्रालयमा पत्रकार सम्मेलनको आयोजना गरी सार्वजनिक बिदाबारे आवश्यक निर्णय लिन पनि मन्त्रिपरिषद्मा प्रस्ताव पठाइएको जानकारी दिए । ‘अहिले अर्थतन्त्रको अवस्थालाई मध्यनजर गरी सरकारी निकायको इन्धन खर्च घटाउने गरी २० प्रतिशत घटाउने प्रस्ताव मन्त्रिपरिषद्बाट पारित गरेका छौं,’ मन्त्री शर्माले भने, ‘सार्वजनिक बिदाबारे आवश्यक निर्णय लिन पठाएका छौं ।’