इरानलाई सहज रूपमा पन्छाउँदै नेपाल सेन्ट्रल एसियन भलिबल एसोसिएसन (काभा) नेसन्स लिगको फाइनल प्रवेशको छ।

राष्ट्रिय खेलकुद परिषद्को कभर्ड हलमा भर्खरै सकिएको दोस्रो सेमिफाइनलमा नेपालले इरानलाई २५–२१, २८–२६ र २५–२० ले पराजित गरेकाे हो।

आजको जितसँगै नेपालले समूहचरणमा भोगेको पराजयको बदला पनि लिएको छ। नेपालले अब फाइनलमा डिफेन्डिङ च्याम्पियन भारतसँग उपाधिका लागि प्रतिस्पर्धा गर्नेछ।

अघिल्लो संस्करणको संस्करणमा पनि नेपाल र भारतले फाइनल खेलेका थिए। त्यसवेला भारतले बाजी मारेको थियो। यसपटक जारी प्रतियोगिताको समूह चरणको खेलमा भने नेपालले ऐतिहासिक रूपमा भारतलाई पराजित गरेको थियो। त्यसैले उच्च मनोबलका साथ नेपालले भोलि हुने फाइनलमा भारतसँग भिड्नेछ।