दाङ ।  अवैध बाटो हुँदै अमेरिका हिँडेका दाङका पूर्णबहादुर डाँगीको घानामा निधन भएको छ। गैरआवसीय नेपाली संघका पूर्वकोषाध्यक्ष हिक्मत थापाले डाँगीको निधन भएको पुष्टि गरे।’अवैध बाटोबाट मानव तस्करमार्फत अमेरिका जान हिडेका दाङ, शान्तिनगरका पूर्णबहादुर डाँगीको घानामा मृत्य भएको छ,’ उनले सामाजिक सञ्जालमार्फत भनेका छन् ।

थापाका अनुसार डाँगीको शव पोस्टमार्टम र अन्य प्रक्रियाका लागि त्यहाँको आकरास्थित अस्पतालमा राखिएको छ ।  पोस्टमार्टम रिपोर्ट आइसकेको छैन मृत्यु भएको खास कारण मृत्यु प्रमाणपत्र आइसकेपछि मात्रै खुल्नेछ । अमेरिकाले आप्रवासीमाथि कडाइ गरिरहेका बेला अमेरिका नै हिँडेका डाँगीको निधन भएको हो । बुधबारमात्रै पनि कागजात नभएका ९ नेपाली नेपाल फर्काइएका थिए ।