तुलसीपुर,२२ जेठ ।

लकडाउनको समयमा तुलसीपुरमा थप कडाई गरिने भएको छ । आज तुलसीपुरमा सम्पन्न सर्वदलिय एवं सर्वपक्षिय बैठकले लकडाउनलाई थप ब्यबस्थीत गर्ने निर्णय गरेको हो । अनुमति बिना हिड्डुल गर्न समेत रोक लगाउने निर्णय भएको छ । तुलसीपुर बजारमा लकडाउन कार्यान्वयन गर्ने र गराउने सन्दर्भमा सोमबार,मंगलबार, बुधबार र शुक्रबार अत्याबश्यकिय बस्तुहरुमा खाद्यान्न, किराना र हार्डवेयरका पसल बिहान ६ बजेदेखि १० बजे सम्म खरिद बिक्रिका लागि खुल्ला गरिने छ ।

आईतबार र बिहीबार बिहान ६ बजेदेखि १० बजेसम्म फेन्सी लगायतका पसलहरु खोल्ने अनुमति दिने तर खाद्यान्न, किराना र हार्डवेयर पसल भने सो दिन बन्द गर्नुपर्ने निर्णय गरिएको तुलसीपुर उपमहानगरपालिकाका नगरप्रमुख घनश्याम पाण्डेले जानकारी दिनुभयो । तर अबस्थालाई मध्ये नजर गर्दै सैलुन, होटल, ब्युटिपालर सञ्चालन हुने छैनन् ।

लकडाउनलाई ब्यबस्थीत गर्ने सन्र्दभमा बैंक तथा बित्तीय संस्थाहरु प्रत्येक बिहान १० बजेदेखि दिउँसो २ बजेसम्म सञ्चालन गर्ने तर बैक तथा बित्तीय संस्थाहरुलाई आबश्यक तयारीका लागि बैंक खोल्नुअघि १ घण्टा र बैक बन्द गर्दाका बखतको पछाडी १ घण्टा समय दिने निर्णय भएको हो ।

प्रदेश र संघिय सरकारको निर्णय अनुसार कृषि, भेटनरी र मेडिकललाई भने नियमीत रुपमा सञ्चालन गर्न दिईने छ । तुलसीपुर स्थीत होटल भ्याली भ्यू र एकान्त होटलमा चिकित्सक, स्वास्थ्यकर्मी लाई राख्ने ब्यबस्था गरिएका बाहेक अन्य होटलहरु सञ्चालनमा आउने छैनन् ।

तर कुनैपनि होटलले पेङिग क्वारेन्टाईन वा अतीथिहरु राख्नका लागि नगरपालिकाको समन्वयमा सञ्चालन गर्न सकिने छन् । यस्तै,आगामी असोज र कार्तिक महिनासम्म भारत र तेस्रो मुलकबाट करिव १० हजार जना भित्रन सक्ने भएकाले सोही अनुरुपका क्वारेन्टाईन र आईसोलेसन कक्ष निर्माणलाई तिव्रता दिने निर्णय भएको छ ।

तुलसीपुर उद्योग बाणिज्य संघको हलमा २५ बेडको आईसोलेसन र राप्ती लाईफ केयर हस्पीटलमा २५ गरि ५० बेडको आईसोलेसन कक्ष बनाउने तुलसीपुर उपमहानगरपालिकाले जानकारी दिएको छ । आईसोलेसन कक्ष र क्वारेन्टाईन निर्माणमा नेपाली सेनाले सहयोग गर्नेछ ।

नगरप्रमुख घनश्याम पाण्डेको अध्यक्षतामा भएको छलफलमा नेपाली काग्रेस दाङ सभापति कृत्तिबहादुर खड्का, क्षेत्रीय सभापति जगतबहादुर खड्का, नेकपाका प्रतिनिधि कृष्ण भुषाल, राष्ट्रिय जनमोर्चाका प्रतिनिधि शुक्रराज भण्डारी, नेकपाका मीनराज भण्डारी, १९ बाहिनीका सेनानी बिकास आचार्य, ईलाका प्रहरी कार्यालय तुलसीपुरका प्रमुख शिवबहादुर सिंह, शसस्त्र बेस क्याम्पका निरिक्षक टेकराज पोख्रेल, जनस्वास्थ्य प्रर्बद्धन शाखाका जनस्वास्थ्य निरिक्षक बिमल केसी, महिला बालबालिका, तथा सामाजिक बिकास शाखाका प्रमुख बिष्णु आचार्य,राप्ती प्रादेशीक अस्पताल बिकास समितिका अध्यक्ष पदमप्रसाद न्यौपाने, तुलसीपुर बैंक तथा बित्तिय संस्थाका प्रतिनिधि सरोज लामिछाने, तुलसीपुर उद्योग बाणिज्य संघका महासचिब रुपबहादुर खत्री र ब्यबसायी ऋषिराज भण्डारीले लकडाउनलाई थप प्रभाबकारी बनाउने बिषयमा सुझाब दिनुभएको थियो ।