तुलसीपुर ।

गत २४ घण्टामा नेपालमा एक हजार पाँच सय ७३ जनामा कोरोना सङ्क्रमण पुष्टि भएको छ । १० हजार एक सय २३ को पीसीआर हुँदा आज एक हजार पाँच सय ७३ जनामा कोरोना पुष्टि भएको हो । योसँगै सङ्क्रमितको संख्या ७३ हजार तीन सय ९४ पुगेको छ । त्यस्तै, गत पछिल्लो २४ घण्टामा आठ सय ८५ जना कोरोना सङ्क्रमणमुक्त भएका छन् ।

योसँगै कोरोनामुक्त हुनेको संख्या ५३ हजार ८ सय ९८ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा. जागेश्वर गौतमका अनुसार अहिले देशभर ६ हजार २ सय ८१ जना क्वारेन्टाइनमा बसेका छन् । आज १० सङ्क्रमितको मृत्यु भएको मन्त्रालयले जनाएको छ ।