तुलसीपुर ।
तुलसीपुरमा एक युवकलाई खुकुरी प्रहार गर्ने ३ जना पक्राउ परेका छन । खुकुरी प्रहार गरी फरार रहेका तिन जनालाई प्रहरीले आज बिहान दाङ तुलसलीपुर उप(महानगरपालीका वडा नम्बर ६ स्थित लुकी छिपी बसेको अवस्थामा फेला पारेको हो ।

पक्राउ पर्नेमा जिल्ला दाङ तुलसीपुर उपमहानगरपालीका वडा नंम्बर ६ भीआईपी टोल बस्ने बर्ष १९ का शिव प्रसाद चौधरी, बर्ष १६ को दिपेश चौधरी र बर्ष १७ को संदिप सुनार रहेको ईलाका प्रहरी कार्यालय तुलसीपुरले जनाएको छ । उनीहरुबाट घटनामा प्रयोग भएको १ थान खुकुरी समेत प्रहरीले वरामद गरेको छ ।

उनिहरु माथि आवश्यक अनुसन्धान भईरहेको प्रहरीले जनाएको छ । घाईते सल्यान बगचौर नगरपालिका ०७ टाटके घर भई हाल तुलसीपुर उपमहानगरपालिका ५ बिजय फर्निचर उद्योगमा काम गर्ने १८ बर्षिय दण्डबिर खड्काको हाल कोहलपुर मेडिकल कलेजमा उपचार भईरहेको प्रहरीले जनाएको छ ।