तुलसीपुर ।

दशैकाे मुखमा युवाहरुले खाद्यान्न सामाग्री हस्तान्तरण गरेका छन । दंगीशरण गाउँपालिकाकाे अत्यन्तै विकट क्षेत्र जसलाई श्रीलंकाकाे टापु भनेर चिनिने १ नम्बर वडाकाे फुर्केसल्लीमा पुगि युवाले खाद्यान्न ,लत्ताकपडा हस्तान्तरण गरेका हुन । यु बेसाहारा जीवन गुजार्दै आएका ७२ वर्षिय कर्ण बहादुर घर्तीलाई उक्त सामग्री प्रदान गरिएकाे हाे ।

२४ वर्ष पार गरेका युवा अजय चाैधरीकाे जन्मदिनको अवसर पारि फुर्केसलीमा पुगी गाउँपालिकाका युवाहरुले एक कार्यक्रम गरि खाद्यान्न सामाग्री तथा लत्ताकपडा वितरण गरेका हुन । पालिका स्तरीय युवा क्लब संजालका अध्यक्ष सि.एम विश्वकर्माकाे अध्यक्षता एवम् दंगीशरण १ नं. वडाका वडा अध्यक्ष श्रीप्रसाद चाैधरीकाे प्रमुख अातिथ्यता एवम् नेकपाका युवा लाेकप्रिय नेता एम.एन शाहकाे विशिष्ट अातिथ्यमा कार्यक्रम सम्पन्न भएको हाे । कार्यक्रममा कार्यपालिका सदस्य हरि कुकुरेल , कमानसिहं घर्ती, मनाेज आचार्य, किरण भण्डारी , तिलक वली, बालकुमार खत्री, हस्त बहादुर वली लगायतले बाेल्नुभएकाे थियोे ।

युवा अजय चाैधरीकाे स्वागत मन्त्व्यबाट सुरु भएकाे कार्यक्रमकाे सहजिकरण संजालका सचिव प्रविण याेगीले गरेका थिए ।